Kom deg ut – Årdal Turlag si oppmoding om å bruke søndag 7. februar til å nyte den fantastiske naturen på ”aosen” slo godt an. Det er den Norsk Turistforening står bak kampanjen  ”Kom deg ut” dagen, eit flott tiltak mange har latt seg freiste av i det strålande vinterveret.

- Det var mange både små og store som møtte sol og blå himmel på Seimsåsen søndag.  Etter ein skitur i freistande og flott preparerte løyper, var det tid for aking, graving av snøhole og leik i snøen, seier Ann Karin Hæreid i turlaget.

Miniquiz og premiering

49 aktive ungar svarte på Barnas Turlag sin miniquiz, og kom til standen for velfortent premie. Dei fleste veit no kven Turbo fjellrev er. 

- Foreldre, besteforeldre og andre såg ut til å kosa seg i finvêret, og støtta fint opp om arrangementet. Og med nytt panneband, drikkekopp eller sitjeunderlag, er det ikkje nokon sak å bli med på Barnas turlag sine arrangement utover året, seier Hæreid.

Steinar Kvigne

steinar@porten.no

Privat foto