16 år gamle Jonas Heggestad Hestetun imponerte Aabrekk og Fylling såpass under treningskampen i februar, at duoen har invitert ungguten med seg på treningsleir til La Manga denne veka, skriv Sogndal Fotball på nettstaden sin.

 - Ja, han gjorde ein veldig god figur. No får han sjansen til å kjenne på nivået, bli kjent med laget vårt og skaffe seg nyttige erfaringar, seier Fylling  til klubben sine heimesider.

 Midtbanespelaren har spelt for Årdalstangen Idrettslag fram til i år, men er no fast inventar i Årdal Fotballklubb.

Sogndalstrenarane fortel at Årdal FK og trenar Nils Tore Krosshaug har vore svært positive til at 16-åringen får vera med Sogndal på treningsleiren.

(publisert:  Siren B. Svortevik   siren@porten.no)