Naudetatane har rykke ut til eit trafikkuhell i Sogndal, det melder Vegtrafikksentralen på Twitter like før klokka 14:00.
Ulukka skal ha skjedd på riksveg 5 ved Reipa bru i Sogndalsdalen.
Porten får opplyst om at det er ei singelulukke det er snakk om og at ein bil har hamna på taket.
– Ein personbil har landa på taket og føraren av bilen skal ha klart å kome seg ut på eiga hand. Han framstår uskadd og vert no teken hand om av helse, fortel Tore Fanabust i 110 Vest.
Bilen ligg delvis i vegbana, men det er likevel passasje på staden med manuell dirigering i påvente bilbergar.