Det har byrja å brenne i ein kompressor ved Dragsvik fergekai i Sogndal kommune, det melder 110 Vest på Twitter.
Meldinga kom klokka 18:41.
– Det står ein mindre frittståande kompressor på plassen. Førebels går det bra, det er ikkje meldt om noko personskade, seier Helge Lund i alarmsentralen til Porten.
Brannvesenet er på veg ifrå Balestrand.
Klokka 18:53 melder 110 Vest på nytt om at brannen er slukka og dei har kontroll på staden. Dei er no i gang med etterslukking.