Bilulukke i Sogndal - ein person frakta med helikopter

Det er meldt om ei bilulukke i Sogndal på Mannhellervegen. Det opplyser 110 Vest på Twitter klokka 14:39.

To køyretøy skal vera involvert, ein personbil og ein lastebil.

Naudetatane er no på staden.

Politiet melder på deira Twitter klokka 14:59 at personbilen står i brann, men at det ikkje er personar i bilen.

– Ingen fastklemde eller medvitslause personar, skriv politiet.

Vegen er heilt sperra.

Frakta med luftambulanse

Føraren av personbilen skal ha køyrd inn i lastebilen då den truleg skulle svinge av vegne, det fortel operasjonsleiar Eirik Loftesnes.

Føraren er ein mann i 80 åra og er no sendt vidare til Førde sjukehus.

– Han er blitt sett til av helsevesenet på staden og er no sendt vidare med helikopter til Førde. Han er våken og har det bra etter forholda, men skadeomfanget er ukjend.

På vegen har det vore store trafikale problemer.

Loftesnes opplyser at vegen opna 15:35 og at politiet er i ferd med å gjere seg ferdig på staden.

– Politiet har gjort unna undersøking og har sikra spor på staden.