Årdal: Torsdag fekk Skår den nasjonale frivilligheitsprisen for 2019 overrekt av kulturminister Trine Skei Grande.
Han var ein av seks finalistar handplukka av ein jury. I grunngjevinga for sigeren vart Skår kalla ein bauta blant frivillige.
– Norske Redningshunder er tufta på frivilligheit. I eit miljø med mange engasjerte frivillige, står Knut fram som ein bauta, sa leiar av juryen, Heikki Eidsvoll Holmås, i ei pressemelding.
– Reddar ein del liv
Skår har jobba fleire tusen timar i året på frivillig arbeid, og vore ein del av Norske Redningshundar i over 20 år.
Då det vart kjent at han var nominert til prisen i november, sa han det var stort å bli nominert. Men ikkje minst ville det vera bevis på det viktige arbeidet organisasjonen gjer, fortalte han.
– Eg er berre èin, men me er mange som gjer ein stor innsats, sa Skår, då.
