SIGER: Det var Fjøra som vann den første kampen mellom Studentspretten og Fjøra denne sesongen.
SIGER: Det var Fjøra som vann den første kampen mellom Studentspretten og Fjøra denne sesongen. (Foto: Youri van der Werve)

Årets første lokaloppgjer var alt anna enn kjedeleg

Seks mål, temperament og ei diskutabel straffe. Den første kampen denne sesongen mellom studentspretten og Fjøra hadde det meste.

Sogndal: For to år sidan var det tre divisjonar mellom Studentspretten og Fjøra. Denne sesongen møter dei kvarandre i kretsligaen. I dagens treningskamp var det "storebror" som fekk første sigeren i lokaloppgjeret.

– Eg syns at me var det førande laget i denne kampen, seier trenar til Studentspretten Gøran Wigum.

Fjøra tok leiinga allereie etter nokre minutt og etter eit kvarter auka dei leiinga med endå eit mål. Studentspretten klarte så å komme spele seg inn i kampen og fekk fleire moglegheiter til skåre. 

Diskutabel straffe

TEMPERAMENT: Det blei delt ut fleire gule kort i det som var ein treningskamp. Foto: Youri van der Werve

Dette skjedde også, men berre nokre minutt seinare var det Fjøra så skåra siste mål før pause. Etter pause begynte temperamentet å stige og det blei delt ut fleire gule kort. 10 minutt før slutt var stillinga den same, men etter ein diskutabel straffe og svak forsvarspel endte kampen med 6 mål.

– Me gjer ein god andre omgang, men me slepp inn to tullemål på slutten. Vi gir litt opp, det kan ikkje me gjere. 5 - 1 gir ikkje eit rett bildet av kampen, seier Wigum.

Sjølv om det var ein treningskamp kunne Wigum ikkje vere fornøgd med resultatet. 

– Vi er slappe i foran eige mål, i tillegg skåra dei to mål på kontring. Vi mista ballen for lett og er ikkje med i omstilling. Der er Fjøra betre enn oss på.

NY TRENER: Den nye trenaren Gøran Wigum ser fram til kampane mot sin gamle klubb, Fjøra FK. I dag kunne han ikkje vere heilt fornøgd, sjølv om han meinte at laget hans var det leiande laget. Foto: Youri van der Werve

– Fint å møte gamle laget mitt

Denne sesongen kjem laga til å møtes i kretsligaen. For Gøran Wigum er det endå meir spesielt, då han spelte for Fjøra førre sesong.

– Det går heilt fint å møte gamle laget mitt. Eg er gode kompisar med dei eg spelte med på Fjøra. Det er berre kjekt det.

Til toppen