FLAGG TIL TROMSØ: Her er Birte Sunde Leirvåg i gang med å overrekke flagget til Trømsø, som skal arrangera Studentleikane i mars 2018.
FLAGG TIL TROMSØ: Her er Birte Sunde Leirvåg i gang med å overrekke flagget til Trømsø, som skal arrangera Studentleikane i mars 2018. (Bilde: Silje Takle)

Studentspretten vart beste klubb – gav stafettpinnen til Tromsø

I tre dagar har studentar konkurrert i åtte ulike idrettar. Laurdag var det bankett.

Sogndal: Leiar for Studentleikane i Sogndal, Birte Sunde Leirvåg, seier til Porten.no at leikane har vore eit heilt fantastisk arrangement. 

– Vi har hatt tre dagar med åtte ulike idrettar som som vart avslutta med bankett og overrekking av flagg laurdag.

BORDTENNISJENTER: Heidi Olstad (Studentspretten) tok gull, Ester Flugstad Rygg (NIHI) tok sølv og Kristine Hansen (NIHI) tok bronse.
BORDTENNISJENTER: Heidi Olstad (Studentspretten) tok gull, Ester Flugstad Rygg (NIHI) tok sølv og Kristine Hansen (NIHI) tok bronse. Bilde: Norges Studentidrettsforbund

Gull i bordtennis

Studentleikane er det største idrettsarrangement for studentar i landet. I Sogndal vart det i tre dagar konkurrert i åtte idrettar: badminton, boblefotball, bordtennis, fotball, motbakkeløp, sjakk, squash og volleyball.

Siger i nokre av greinene gjev rett til å delta i student-EM i Portugal i 2018.

Leirvåg seier at arrangementet har vore ein stor suksess for Sogndal og studentidretten. 

– Vi har fått gode tilbakemeldingar frå deltakarar, frivillige og representantar frå Noregs studentidrettsforbund.

Studentspretten i Sogndal vann «beste klubb», ein pris som vert gjeve til den klubben som har prestert best i alle greinene:

Dei tok bronse i volleyball (damer), motbakkeløp og fotball (herrar), sølv i volleyball (herrar) og motbakkeløp, og gull i bordtennis (dame), boblefotball (mix), badminton (herre) og fotball (damer). Fotball- og bordtennisjentene er med det kvalifisert til EM i Portugal 2018.

Tromsø sin tur til å overta

Leirvåg seier ho er utruleg stolt over heile styret og alle frivillige som har stått på for å få arrangementet til å gå rundt. 

– Sjølvsagt er det ting som kunne vore betre, og det har vore nokre utfordringar. Men eg tykkjer vi har takla dei på ein god måte, seier Leirvåg.

No er det Tromsø sin tur å overta stafettpinnen. Leikane startar 28. februar 2018 og varer til 3. mars.

 

Til toppen