KAN VINNA: Både Sigurd Haugen og Thea Bjelde har sjansen til å bli årets nykomar i høvevis OBOS-ligaen og Toppserien.
KAN VINNA: Både Sigurd Haugen og Thea Bjelde har sjansen til å bli årets nykomar i høvevis OBOS-ligaen og Toppserien. (Montasje: Toril Walker Norheim og Stig Høynes/haugenfotball.no.)

Begge kan bli kåra til årets gjennombrot

Arna-Bjørnar-spelar Thea Bjelde frå Sogndal og Sigurd Haugen frå Sogndal Fotball kan begge vinna gjeve kåringar etter årets innsats.

Sogndal: Thea Bjelde 18-åringen var fast på midtbana då Arna-Bjørnar sikra bronsen i årets Toppserie. No er ho ei av tre nominerte til årets gjennombrot i ligaen. 

– Det er veldig stort, seier Bjelde.

Bjelde spelte for det meste gutelagsfotball i Sogndal fram til 2016. Då gjekk ho til Kaupanger og skåra ni mål på tretten kampar 16-åring. Seinare same året gjekk turen vidare til Arna-Bjørnar og Toppserien.

Sakte men sikkert har ho etablert seg til å bli ein nøkkelfigur for bergenslaget:

Nervepirrande fotballfest

– Eg synst sjølv eg kan vera nøgd med sesongen min, og føler eg har klart å utvikla meg frå i fjor, seier Bjelde.

– Kva er forklaringa på at det har gått så bra?

– Eg veit ikkje... det er ei blanding av å bli litt meir moden og at eg har halde fram å jobba målretta med det eg vil bli betre på. I tillegg har eg hatt god hjelp frå trenarane, seier ho.

Vinnarane vil bli avslørt på fotballfesten i slutten av november. Blir Bjelde ropt ut som vinnaren må sogndalsjenta fram og takka for prisen foran eit stor publikum og på eit direktesendt TV-show.

– Det er ikkje akkurat det eg er mest komfortabel med, eg blir nok litt nervøs, for å seia det sånn, seier Bjelde.

Toppskårar i debutsesongen

Neste år har ho ikkje andre personlege ambisjonar enn å bli ein betre fotballspelar.

–Eg tek ikkje noko for gitt når det gjeld speletid, men vil halda fram å kjempa for ein plass i startoppstillinga, og håpar laget gjer det like godt eller betre.

Òg herrane skal kjempa om ærefulle kåringar. Sogndalspiss Sigurd Haugen er kåra til årets gjennombrot i OBOS-ligaen, i konkurranse med Kristian Thorstvedt frå Viking og Nicholas Mickelson frå HamKam.

Nysigneringa skåra 15 mål på 25 kampar etter overgangen frå Odd, mest av alle på laget.

Til toppen