LØP PÅ HISTORISK GRUNN: Neste helg er det duka for terrengløpet Galdane rundt, som pågår på hsitorisk grunn på Kongevegen. Foto: Jan Christian Jerving. 
LØP PÅ HISTORISK GRUNN: Neste helg er det duka for terrengløpet Galdane rundt, som pågår på hsitorisk grunn på Kongevegen. Foto: Jan Christian Jerving. 

Blir det ny løyperekord i Galdane i år?

Neste helg vert Galdane Rundt arrangert for fjerde gong. Løpet har stadig hatt ein auke i tal påmelde. 

Lærdal: Løpet foregår på historisk grunn og har fått namnet sitt etter den gamle husmannsplassen Galdane langs Kongevegen i Lærdal. 

Den kuperte løypa på 8,7 kilometer går langs Lærdalselvi, forbi husmannsplassen og har start og mål ved rasteplassen Koret. 

SJEF: Bjørghild Holien er leiar i friidrettsgruppa og har kontroll på løparane.
SJEF: Bjørghild Holien er leiar i friidrettsgruppa og har kontroll på løparane.

– I år er det også sett opp ny bru i gamal stil  over Vetlesokni, løypa er nyrydda og underlaget er mest gras og sti, fortel Bjørghild Holien, leiar i friidrettsgruppa i Lærdal IL. 

Yrande folkeliv

Det er friidrettsgruppa i Lærdal Idrettslag som inviterer stort og smått, anten ein er mosjonist eller klar for å setja ny løyperekord til Lærdal denne dagen. 

– I fjor var det yrande folkeliv og stor stemning under arrangementet, legg ho til. 

– Gubbetrimmen i Jølster har sesongavslutning og sesongstart med Galdane Rundt, Team Melkesyre frå Varegg stiller med ein stor gjeng og lagar alltid liv. Ellers er det stor lokal oppslutnad og deltakarar frå nabokommunane.

VIL HA MED UNGE: Arrangøren håpar ungdomar som Ingar Paaske og Anthony Labarca på biletet deltar på løpet.
VIL HA MED UNGE: Arrangøren håpar ungdomar som Ingar Paaske og Anthony Labarca på biletet deltar på løpet.

Håpar ungdom deltar

I fjor vart det sett ny løyperekord i både herre- og kvinneklassen. Det er Eivind Øygard frå Jølster IL som har rekorden på herresida med 31.10, medan Ingvild Vedde frå Tjalve IL brukte 39.56 på runden.

– Løpet er for alle, terskelen for å melde seg på tid er låg. Me vonar ungdom òg vil ta utfordringa med å springe på tid. Turen passar òg for mosjonistar og er ein fin familietur.  Ryktet har spreidd seg om at dette er eit flott løp, så me ynskjer vel møtt til Norges finaste terrengløp neste laurdag, avsluttar ho og viser til Facebook-sida deira for meir informasjon. 

Til toppen