BOB HUND, PRESSEFOTO FRÅ I FORFJOR: Det legendariske bandet Bob Hund har sidan før tusenårsskiftet gleda publikum vide ikring med energiske konsertar som riv publikum med.
BOB HUND, PRESSEFOTO FRÅ I FORFJOR: Det legendariske bandet Bob Hund har sidan før tusenårsskiftet gleda publikum vide ikring med energiske konsertar som riv publikum med. (Photographer: Anna Brånhede)

Bob Hund kjem til Fres festival i sommar

Festivalen stadfestar òg at Real Ones og Ralph Myerz and the Kosmik Diamonds kjem. Og fleire andre.

Fresvik, Sogndal: Torsdag morgon vart det klart at dei svenske legendene i Bob Hund er bekrefta til Fres Festival 2018.

Bandet hadde 25-årsjubileum i år, og har feira dette med å spela sin eigen gjennombrotskonsert på ny. Bandet braut igjennom på Stora Dans på Hultsfredsfestivalen i 1993. 

PÅ GARDERMOEN: Bob Hund har teke seg ein matbit på Gardermoen. 16. oktober 2016. Foto: Snorre Sandemose

I ei stor svensk avis stod det etterpå å lesa at dette hadde vore «den bästa konserten på svensk mark någonsin». 

Bandet, som syng på skånsk, har hatt flust i underfundige hitsongar opp gjennom åra. Dei dukka igjen opp på norske radioar i fjor gjennom samarbeidet med bergensartisten Silja Sol. Festivalleiinga er ekstatiske, skriv ein av dei programansvarlege, Gunnar Husebø, i ei pressemelding. 

– I tillegg til dei svenske kultheltane i Bob Hund, kjem Death By unga Bunga meir eller mindre rett inn frå USA-turné med heftig garasjerock slik berre band frå Moss og Østfold gjer det, skriv Husabø vidare i pressemeldinga. 

SPELAR OPP TIL GARASJEROCK: Death By unga Bunga

Mykje god skandinavisk musikk 

Festivalen har òg fått stadfesta at Death by Unga Bunga, Darling West, Real Ones, Ralph Myerz and the Kosmik Diamonds, A-laget og NMG/G-Huset Allstars legg turen til Fresvik siste helga i juli.

– Fres Festival feirar sitt 13. år med å sleppe eit kobbel av skandinavias beste innan rytmisk musikk. Festivalen har booka alt frå trapbasert rap til akustisk americana, skriv Husabø i pressemeldinga. 

Darling West frå Blaoboxen til Fres

Americanafavorittane Darling West - som nyss gjesta eit fullsett hus i Blaoboxen i Sogndal kulturhus - tek òg turen. Dei har nyleg gjeve ut sitt tredje album, til mykje ros frå kritikarane, «While I Was Asleep».

DARLING WEST: Bandet har nyss gjeve ut eit kritikarrost album, «While I was asleep». Publikum vil nok få høyre nokre songar derifrå på sommarens festival. Foto: Audun Selnes

Det er ikkje berre Darling West som kjem med ferske album. Folkpop-idola i Real Ones er óg stadfesta til Fres Festival 2018. Real Ones sleppte i februar albumet Hey Future, Hey Past, som også har fått mykje ros frå kritikarane, ifylgj Husabø. 

Fylgjande artistar er stadfesta til Fres Festival 2018:

REAL ONES: I februar sleppte bergenserane nytt album, til mykje ros frå kritikarane.

Bob Hund
Cezinando
Great News
Death by Unga Bunga
Real Ones
Thea And The Wild
A-laget + NMG/G Huset Allstars (Dårling Vane, Myra, Mats Dawg og Jonas V)
Darling West
Sibiir
Ralph Myerz and the Kosmik Diamondz

Til toppen