Lærdal: Politiet fekk melding om brannen klokka 11:49. Den tok til i ei leiligheit nedst i Øyragata i Lærdal sentrum, i området med dei verneverdige trehusa.
– Brannen er no sløkt. Ein person er henta ut av brannvesenet og blir teken hand om av helsepersonell, seier Bengt Ness ved operasjonssentralen i Florø.
Alle som var i huset er ute og brannvesenet driv no med ettersløkking og lufting.
Politiet opplyser at leiligheita har fått litt skader inne. Helsetilstanden til vedkomande som er henta ut er førebels ukjent.
