BRANN I SOGNDAL: To personar kom seg ut då det byrje å brenne i ein einebustad i Sogndal. Foto: Ole Ramshus Sælthun
BRANN I SOGNDAL: To personar kom seg ut då det byrje å brenne i ein einebustad i Sogndal. Foto: Ole Ramshus Sælthun

Brannvesenet fekk sløkt brannen i Sogndal

To personar kom seg ut då det byrje å brenne i ein einebustad i Sogndal.

Sogndal: Politiet fekk melding om hendinga like før 11.00 torsdag føremiddag, og alle naudetatane kom raskt fram til staden. 

– Etter det me kjenner til så brenn det framleis i taket eller himlinga. Bustaden ligg i Sogndal sentrum like ovanfor Campus, seier Ole Tom Nord i politiet til Porten.no.

Han fortel at dei to personane som var inne i huset då det byrja å brenne er komne ut utan skade.

Artikkelen held fram under biletet.

BRANN: Her brenn det i ein einebustad i Sogndal like ovanfor Campus.
BRANN: Her brenn det i ein einebustad i Sogndal like ovanfor Campus.

Det var fleire personar som hjelpte til med å bere ut inventar frå bustaden, og desse vart sendt til legen for rutinemessig kontroll. 

Det var mykje røyk i området då det brann, og politiet bad difor naboar om å halde seg inn og late att vindauge og dører. 

Klokka 12.40 var brannen sløkt, melder NRK. Det er førebels ikkje kjend kva som var årsaka til at det byrja å brenne.

Til toppen