I ÅTTANDEDELSFINALE: Sogndal sitt jentelag i 14-årsklassa tok seg til åttandedelsfinale i a-sluttspelet onsdag.

I ÅTTANDEDELSFINALE: Sogndal sitt jentelag i 14-årsklassa tok seg til åttandedelsfinale i a-sluttspelet onsdag. (Bilde: Privat)

Norway Cup

Dei skal spela 8-delsfinale i A-sluttspelet mot palestinsk lag

Alle dei tre sogndalslaga som har vore i aksjon på Ekebergsletta onsdag tok seg vidare i finalespelet. Det gjorde også eitt jotunlag, eitt syrillag og jentelaget til Kaupanger.

Oslo: Jentelaget til Sogndal i 14-årsklassa tok seg til åttandedelsfinalen i a-sluttspelet etter 3-0-siger mot Giv Akt/Spangereid - klokka 2030 onsdag kveld ventar palestinsk motstand i form av Paces Girls.

Det kvite gutelaget til Sogndal i 14-årsklassa skal ut i 16-delsfinale i B-sluttspelet onsdag klokka 20 mot Sandane etter 3-0-siger mot Giv Akt/Spangereid før på dagen.

Det svarte gutelaget i same klasse tok seg vidare med 3-0-siger i 32-delsfinalen mot Bremnes onsdag, og klokka 20 på kvelden ventar Løten i 16-delsfinale.

Eitt jotunlag vidare, to ut 

Jotun sitt jentelag i 14-årsklassa er også vidare i B-sluttspelet etter 1-0-siger mot Svolvær onsdag, i åttandedelsfinalen onsdag kveld klokka 2030 ventar Fossum IF Skien.

Begge gutelaga til Jotun rauk ut onsdag; G13-laget mot Junior Football Academy Kathmandu frå Nepal i 16-delsfinalen i B-sluttspelet, G14-laget i 32-delsfinalen i A-sluttspelet mot Isfjorden der det vart eit surt tap på straffekonkurranse, 3-4.

Syril sitt jentelag vidare, gutelaget måtte gje tapt i åttandedelsfinalen 

Derimot er Syril sitt jentelag i 14-årsklassa klare for åttandelsfinale i A-sluttspelet mot Blindheim klokka 2030 onsdag kveld etter 2-1-siger mot Dombås tidlegare på dagen. Også gutelaget til Syril imponerte lenge stort ved å ta seg til åttandedelsfinale i A-sluttspelet etter 6-2-siger mot Ellingsøy onsdag morgon, men i åttandelsfinalen vart det stopp med 3-2-tap for Utleira.

Bjørn sitt gutelag i 14-årsklassa kom til 16-delsfinalen i B-sluttspelet, men tapte her relativt klart 1-12 for Surnadal/Søya/Todalen onsdag.

Kaupanger sitt jentelag i 15/16-årsklassa vann til slutt eit durabeleg oppgjer mot Fron 5-4 i 16-delsfinalen i B-sluttspelet onsdag kveld, dei møter Eidanger i åttandedelsfinale torsdag føremiddag.

Sogndal sitt jentelag i 15/16-årsklassa spelar 16-delsfinale torsdag morgon klokka 8 mot Nardo i A-sluttspelet, Jotun sitt jentelag i 17-årsklassa spelar kvartfinale i A-sluttspelet fredag klokka 1115, men motstandar er ikkje klar enno.

Til toppen