KLATREGLEDE: Her er gjengen som fekk bryne seg i veggen på klatreprøvedagen (frå venstre): Marie Karlsson, Mari Nerhus, Roger Torsvik, Geir Aage Thorsnes Egeland, Morten Andrè Tryti, Joachim Nordnes og Ingrid Løseth. Casper B. Frøyd var ikkje til stades då biletet vart tatt.
KLATREGLEDE: Her er gjengen som fekk bryne seg i veggen på klatreprøvedagen (frå venstre): Marie Karlsson, Mari Nerhus, Roger Torsvik, Geir Aage Thorsnes Egeland, Morten Andrè Tryti, Joachim Nordnes og Ingrid Løseth. Casper B. Frøyd var ikkje til stades då biletet vart tatt.

Denne gjengen fekk testa nye grenser i klatreveggen

For første gong i Sogndal vart det før helga arrangert klatreprøvedag for personar med nedsett funksjonsevne.

Sogndal: – Kvifor kan ikkje dei klatre? Klart dei kan klatre!, seier Morten Andrè Tryti og skildrar aha-opplevinga han fekk då han kom over ei annonse i eit klatreblad. Den handla om at Norges klatreforbund for første gong skulle arrangere klatrekonkurranse for personar med nedsett funksjonsevne.

INITIATIVTAKAR: Morten Andrè Tryti i Sogndal klatreklubb seier han gjerne ser at klatreprøvedagen etter kvart utviklar seg til eit fast tilbod.
INITIATIVTAKAR: Morten Andrè Tryti i Sogndal klatreklubb seier han gjerne ser at klatreprøvedagen etter kvart utviklar seg til eit fast tilbod.

– Eg tenkte, «dette må vi prøve», seier Tryti, som ellers er ansvarleg for barne- og ungdomsklatringa i Sogndal klatreklubb.

Les også: Her kjem dei med gåver til barna på legesenteret

Som sagt, så gjort. Før helga fekk eit knippe temmeleg ferske klatrarar prøve seg i veggen i Sognahallen. Ein av dei var Roger Torsvik frå Balestrand.

– Eg synst det er veldig artig og gøy å klatre. Eg kom meg eit stykke oppi, seier Torsvik og legg til at han gjerne kjem att viss det blir fleire slike klatredagar.

Ambisjonen til dei som står bak lover i allefall godt for at han får ønsket oppfylt. 

– Det er andre klubbar i Norge som har faste månadlege klatredagar for personar med nedsett funksjonsevne. Eg tenkte vi skulle prøve dette no og sjå korleis det går. Det er absolutt noko eg har tenkt vi kan vidareføre, seier Tryti.

Han meiner klatring er den perfekte aktiviteten for å sprenge grenser, uansett bakgrunn og føresetnader:

– Klatring fører til mestring og du får trua på seg sjølv: «dette klarer eg!».

MESTRING: Her er det Joachim Nordnes som får boltre seg i klatreveggen, med rettleiing frå instruktør Ingrid Løseth. 
MESTRING: Her er det Joachim Nordnes som får boltre seg i klatreveggen, med rettleiing frå instruktør Ingrid Løseth. 
Til toppen