VÅTT GJENSYN: Dei færraste som deltok i bilrebusen i Lærdal laurdag greidde å ta seg tørrskodd over Lærdalselvi.
Video

Denne gjengen gjekk glipp av tipset: – Du må ha eit par styrepils innbabords

Dei fleste som deltok på bilrebusen under Kom Heimatt fekk eit blautt gjensyn med Lærdal.

Lærdal: – Eg må jo koma heim att til Kom Heimatt, det er like kjekt kvart år. Eg kosar meg, seier lærdøl Aurora Lysne, som til dagleg bur i Bergen. 

Ho og heile laget hennar hadde nettopp hamna i Lærdalselvi etter eit mislukka forsøk på å balansera over. Då ein først ramla, følgde resten kjapt etter.

Elvekryssinga var ein av postane på årets store happening, bilrebusen under Kom Heimatt-festivalen. Målet var å koma raskast mogleg over. Tida vart stoppa då sistemann på laget slo i bjølla på motsett side.

– Me tok dette som siste post, for me hadde ikkje heilt trua på at me kom oss over. Og det viste esg å vera heilt rett, seier Lysne.

SOLIDARISK GJENG: Då først ein deltakar ramla uti, følgde heile laget etter. Frå venstre: Linda Foss Bolstad, Aurora Hellandsjø Lysne, Kirsti Brugrand Hauge, Sindre Grotle og Ingrid Brugrand Hauge.   Foto: Halvor Farsund Storvik

Knekte koden

Deltakarane kunne velga sjølve om dei ville svømma, eller forsøka å ta seg tørrskodd over. Dei raskaste laga valde å splitta laget i to og gjera begge deler.

Nokre få hadde òg knekt balansekoden.

– Du måtte berre ta sats og springa. Og så må du ha eit par styrepils innbabords. Då går det bra, seier Sindre Brugrand Hauge.

ULV, ULV: Trass det humoristiske kostymet, det stod ikkje på innsatsen då Sindre Brugrand Hauge utfordra Lærdalselvi.  Foto: Halvor Farsund Storvik

Sommarens høgdepunkt

Utkledd som han var i heildekkande ulvedrakt representerte han eitt av mange fargerike innslag denne dagen.

– Det er badedrakta då. Eg må ha noko å svømma i, seier Hauge.

For han er Kom Heimatt høgdepunktet om sommaren.

– Det er kjekt å komma heim, møta gamle kjensfolk, og ta med nye kjentsfolk og introdusera dei for Lærdal. Vera ein god ambassør for bygda, det er viktig, seier Hauge.

Til toppen