FÅR I DILL: Lammefrikasse står ikke tilbake for den allestedsnærverende fårikålen. FOTO: Carl Martin Nordby /
FÅR I DILL: Lammefrikasse står ikke tilbake for den allestedsnærverende fårikålen. FOTO: Carl Martin Nordby /

Dilla på lam

 Saftig lam med masse dill treng ikkje vere eit tidkrevjande prosjekt.

Haust betyr norsk lammekjøt i butikkane. I alle tenkjelege variantar og stykningsdelar. Og den varianten som får mest merksemd og plass, er den vi kan kalle «fårikålmiksen», ein pakke som gjerne består av store bitar bog og nakke med bein.

Men det er slett ikkje berre fårikål denne pakka kan brukast til! Mange retter, også ein perfekt lammefrikasse, kan med fordel lagast av fårikålmiks.

Utan å konkludere med omsyn til kva som er den beste retten av fårikål og frikasse, så må eg seie at frikasse er frykteleg godt. Og oppgradert med litt sprek sennep og masse frisk dill er det ikkje berre frykteleg godt, men reint ut sagt latterleg velsmakande.

Artikkelen held fram under bilete

GRYTE: Bruker du vanlig gryte, må du beregne dobbelt så lang tid som med trykkoker.
GRYTE: Bruker du vanlig gryte, må du beregne dobbelt så lang tid som med trykkoker.

Dillen er ofte elles assosiert med fiskeretter, men passar like godt i kompani med supermøyrt lammekjøt, ein fyldig saus og salte, gode poteter.

Ein klassisk frikasse tar det gjerne tre timar å komme i mål med, og det er heilt greitt for meg når eg har god tid og planlegginga går på skjener. Men det finst ein sterkt undervurdert kjele i sal, mange har han sikkert ståande allereie i kjellaren, for det er ikkje akkurat ei ny oppfinning: trykkokaren. Denne 5-literskjelens beste eigenskap er at han med det tette lokket på kokar lammekjøt møyrt på omtrent halve tida. Dermed kan du koke deg ein finfin frikasse fiks ferdig på éin time.

Med alle ingrediensane ferdig kokt i gryta, kan du enkelt jamna til slutt med litt maisenna. Då blir det heilt glutenfritt. Smaken av mjølet som vanlegvis vert brukt i jamninga, ville uansett blitt skjult av den gode sennepssmaken. Eg føretrekkjer ein grov kvalitetssennep frå den vakre renessansebyen Dijon i Frankrike.

Artikkelen held fram under bilete

TILBAKE TIL RØTTENE: Gulrot og persillerot i selskap med purre - og får, så klart.
TILBAKE TIL RØTTENE: Gulrot og persillerot i selskap med purre - og får, så klart.

(UNDERSAK/OPPSKRIFT) Lammefrikasse med sennep
Ingrediensar (4-6 personar)

2 kg «fårikål»-lammekjøt

1 liter vatn

1/2 liter mjølk

50 g smør

2 ts flaksalt

2 ts heil svart pepar

2 gulrot

2 persillerot

1 purre

2 ss grov stokes/dijonsennep

1 kopp grasløk

1 potte dill

2 ss sitronsaft

2 ss maisenna

12 matpoteter

50 g smør

salt og pepar

Framgangsmåte

Bruk gjerne trykkokar. Med vanleg kjele kan du doble koketida for kjøtet, men elles bruke same oppskrift.

Skyl kjøtet 2 min i rennande kaldvatn og legg det i trykkokaren. Hell på mjølk, vatn, smør, salt og heil pepar. Sett kjelen på nivå 6 av 9 (induksjon) med ventilen open, slik at du ser når det byrjar å koke. Skru ned varmen til 5 og skru igjen ventilen. La dette stå på i 40 minutt. Imens skrellar du persillerota og gulrota og deler opp purren i 5 cm lange bitar.

Slepp ut trykket av kjelen og ha oppi grønsakene. Koke vidare i 20 min og ta opp ein kjøttbit for å sjekke at kjøtet er møyrt. (Det skal det vere etter éin time under trykk!)

Det er fult mogleg å bruke litt meir mjølk, fløyte eller rømme no mot slutten av prosessen. Dette kan gi meir fylde og litt lysare farge på sausen.

Bland maisenna i litt kaldt vatn og hell ei tynn stripe oppi medan du rører rundt med ei sleiv. Når du har fått den fylden du likar best, smakar du til med sitronsaft, grov sennep, salt og grovmalen svart pepar. Den finhakka grasløken vendast inn heilt til slutt, og dillen dryssast over på tallerken.

Poteter: Skrell potetene og del dei i skiver på 3 cm. Legg dei i ei eldfast form, salt og pepre og ha oppi smøret. Slå folie over forma og bak i 40 min på 220 grader. Riv av folien og snu på potetene. La dei stå 20 minutt til. No er dei møyre, fine i fargen og uforskamma gode til å vere så enkle å lage. (©NPK)

Til toppen