GOD ØKT: Denne helga deltok Eirik Kinserdal på Tyrifjorden Rundt, der han til slutt kom på ein 7. plass i si pulje. Ungguten skildrar løpet som ei god økt. Arkivfoto: Privat.
GOD ØKT: Denne helga deltok Eirik Kinserdal på Tyrifjorden Rundt, der han til slutt kom på ein 7. plass i si pulje. Ungguten skildrar løpet som ei god økt. Arkivfoto: Privat.

– Ei god økt som gir mykje utbytte

Eirik Kinserdal nøgd med eigen innsats i Tyrifjorden Rundt.

Årdal: Ungguten frå Årdal satsar veldig på sykkelkarriera og reiser land og strand for å delta på ulike ritt.

Denne helga deltok Kinserdal i Tyrifjorden Rundt, eit 145 kilometer langt turritt som går rundt Tyrifjorden.

– Eg følte meg bra og taua veldig mykje heile turen. Det er eit turritt, så køyringa er annleis enn i aktive rankingsritt som til dømes Norgescupen, seier han.

Kinserdal kom til slutt på ein 7. plass i si pulje og på ein 2. plass som junior med tida 3:37:2. 

– Det var ei god økt som gir mykje utbytte. 

Komande helg går den tredje runden av Norgescupen av stabelen i Sandnes, men her skal Kinserdal ikkje delta. Han reiser i staden til Geiranger for å køyre Nibberittet, eit klatreritt der 1500 høgdemeter skal forserast.

Til toppen