Lærdal: Ein bil har køyrt utfor vegen ved Holesvingane på riksveg 52 mellom Borlaug og Gol.
Det var berre ein bil involvert. Førar, ein mann, var aleine i bilen og er medviten, men klagar over smerter, melder politiet.
Operasjonsleiar Knut Dahl-Michelsen hos Vest politidistrikt opplyser til avisa Firda at det var forbipasserande som melde ifrå om ulukka.
– Førar skal ha kome krabbande opp til vegen, truleg i sjokk. Bilen ligg 10 til 15 meter nede i ein skråning, sa han til avisa.
Alle naudetatane rykka ut til ulukka. Klokka 18:06 var brann og ambulanse på staden.
– Brannvesen og ambulanse er på staden. Ein bil med ein person har køyrd av vegen ved Holesvingane, seier vaktleiar ved Alarmsentralen, Jan Gunnar Holvik til Porten.no klokka 18:06.
Klokka 18:07 melder Vest politidistrikt at vegen vert steng i ein kort periode slik at luftambulansen skal få plass til å landa.
SISTE: Klokka 18:51 melder politiet at føraren av bilen er frakta til Førde sjukehus. Vegen er open for trafikk.
