VERDIG MARKERING: Spelarane står samla før avspark for å heidre vaktmeister Sead Sabanovic, som døde fredag for åtte dagar sidan.
VERDIG MARKERING: Spelarane står samla før avspark for å heidre vaktmeister Sead Sabanovic, som døde fredag for åtte dagar sidan.

Eit fullsett stadion heidra Sead før kampen

Laurdag tok bygda ein verdig avskjed med Sead Sabanovic (59), vaktmeistaren som gjennom fleire tiår har sett spor etter seg med sitt gode smil og vinnande vesen.

Sogndal: Før kampen mot Brann vart Sabanovic heidra med eitt minutts applaus. For åtte dagar sidan døydde den omtykte vaktmeistaren etter lengre tids kreftsjukdom.

MINNEORD: Med bilete av Sead på storskjerm las omdømeleiar Rasmus Mo eit minneord til ære for vaktmeistaren før kampen.
MINNEORD: Med bilete av Sead på storskjerm las omdømeleiar Rasmus Mo eit minneord til ære for vaktmeistaren før kampen.

For trenar Eirik Bakke var det spesielt å sjå ein ven og kollega bli heidra av heile bygda.

– Han har fortent det og fantastisk av begge supportarane å applaudere han på ein slik måte. Det var det største augeblikket i kampen i dag, seier Bakke.

Også kaptein Henrik Furebotn har berre gode minner frå den joviale vaktmeistaren. Det han først og fremst vil hugse er det gode smilet og den utadvendte veremåten. 

– Han klemte så og seie alle spelarane kvar dag vi såg han. Han var ein fin mann, ein alle på laget kjem til å sakne, seier Furebotn.

VERDIG: For spelarane og støtteapparatet til Sogndal var det spesielt å ta farvel med ein kjær ven og kollega gjennom mange år.
VERDIG: For spelarane og støtteapparatet til Sogndal var det spesielt å ta farvel med ein kjær ven og kollega gjennom mange år.
Til toppen