EKSAMENSVAKT: – Den auka problematikken med juks på teoriprøver gjer at Statens vegvesen må sette i gang tiltak som kan hindre dette, seier Jan Tore Odd i Region vest. Illustrasjonsfoto: Truls Grane Sylvarnes.
EKSAMENSVAKT: – Den auka problematikken med juks på teoriprøver gjer at Statens vegvesen må sette i gang tiltak som kan hindre dette, seier Jan Tore Odd i Region vest. Illustrasjonsfoto: Truls Grane Sylvarnes.

Eksamensvakter skal hindre førarkort-juks

Statens vegvesen har fått nok av at folk juksar på teoriprøvane og set derfor inn eksamensvakter ved trafikkstasjonane på Vestlandet.

Sogndal: – Den auka problematikken med juks på teoriprøver gjer at Statens vegvesen må sette i gang tiltak som kan hindre dette. Eitt av tiltaka er at det til kvar tid skal vere ein eksamensvakt i rommet når det blir halde teoriprøve. Dette har vore praksis på store trafikkstasjonar og blir no også gjeldande på mindre stadar, seier avdelingsdirektør Jan Tore Odd i Region vest.

Konsekvensen av innføring av eigne eksamensvakter er at tilsette må omprioriterast frå andre oppgåver, samtidig som andre tenester dei tilsette utfører, skal skjermast.

– For å få dette til må vi redusere tilbodet på drop-in-teoriprøvar, seier Odd.

I mange år har teoriprøven vore open for drop-in kvar dag, men talet på dagar blir no redusert. (©NPK)

Til toppen