STILLER UT: I morgon, fredag, kan du sjå den nye utstillinga til Monica Hauge Fredheim på Kafé Krydder i Sogndal. Biletet til venstre er frå ei utstilling i fjor.
STILLER UT: I morgon, fredag, kan du sjå den nye utstillinga til Monica Hauge Fredheim på Kafé Krydder i Sogndal. Biletet til venstre er frå ei utstilling i fjor. (Bilde: Montasje/Odd Helmer Handeland)

Endeleg kan ho vie all tid til kunsten – klar med ny utstilling

Monica Hauge Fredheim (47), ei trebarnsmor busett i Sogndal, har alltid elska å teikna og mala. Men det er først dei seinare åra ho verkeleg har satsa.

Sogndal: – Borna våre er no så store at eg har kunna bruka all mi tid på kunstmaling. Å få stilla ut er jo sjølvsagt det beste, og det verste, ein kunstnar kan oppleva, seier ho om utstillinga ho no presenterer sogndølene.

– Eg er så spent på korleis den vert motteken, seier Hauge Fredheim.

ANSIKT: Her er det kolstift som har vore reiskapen.
ANSIKT: Her er det kolstift som har vore reiskapen. Foto: Odd Helmer Handeland

I morgon, fredag, får ho vite reaksjonane.

Gler seg til å treffe publikum

Då får folk nemleg høve til å sjå både tidlegare og nyare arbeid frå kunstmålaren på Kafé Krydder i Sogndal. Etter opninga vil utstillinga bli hengande til midten av november.

Ho har tidlegare stilt ut i Vik og tre gonger i Sogndal. Hauge Fredheim seier ho merkar større interesse for kunsten hennar no, enn for nokre år attende.

– Det er skikkeleg kjekt å snakka med dei som kjem for å sjå på bileta mine. Eg såg noko då eg laga bileta, medan dei som kjem finn og ser noko anna, seier ho.

– Den viktigaste utstilinga mi

Ho byrja å mala med oljefargar, men seier ho meir og meir har vorten innteken i å skapa nye teknikkar og uttrykksformer innan akryl. Ho har elles jobba med både modellering, skulpturering og grafisk framstilling, i til dømes tre- og linoliumsnitt.

– Eg har ikkje etablert meg med ein klar eigen stil, så eg er nok ikkje lett å setja i ein kunstnarstil-bås, seier Hauge Fredheim.

Teikning og maling har ho dreve med sidan ho var lita jente.

– På ein måte vert dette den viktigaste utstilinga mi til no, seier kunstnaren.

Her kjem nokre av måleria frå Monica Hauge Fredheim si penselhand:

LANDSKAP: Dystert og i sepiatonar.
LANDSKAP: Dystert og i sepiatonar. Foto: Odd Helmer Handeland
ABSTRAKT: Dette verket har fått namnet
ABSTRAKT: Dette verket har fått namnet "Fugl føniks". Foto: Odd Helmer Handeland
ENNO MEIR ABSTRAKT: Dette har blitt kalla
ENNO MEIR ABSTRAKT: Dette har blitt kalla "Ei hjelpande hand". Foto: Odd Helmer Handeland
BIBELSKE ASSSIASJONAR:
BIBELSKE ASSSIASJONAR: "Berga". Foto: Odd Helmer Handeland
Til toppen