NYE SAMAN: Motsetningar tiltrekker kvarandre, seiest det. Iransk lakris og norske molter bekreftar at det stemmer. FOTO: Carl Martin Nordby /
NYE SAMAN: Motsetningar tiltrekker kvarandre, seiest det. Iransk lakris og norske molter bekreftar at det stemmer. FOTO: Carl Martin Nordby /

Er det mogleg?

Jo nærmare jul vi kjem, og jo meir tradisjonsrike råvarene er, desto djupare er fallgruvene på kjøkenet.

 

Molter med lakris? Eg høyrer det knakar i grava til den nordnorske morfaren min berre eg tenkjer tanken.  Molter skal serverast med krem og i krumkake, tullebukk. Til dels einig, men eg føler meg ganske trygg på denne kombinasjonen her.

I utgangspunktet tenkjer ein jo på krem og bakverk som det beste tilbehøyret til molter. Fjellbæra med den heller beskjedne søtleiken og bortimot fråverande syre har ein smak som omtrent berre halvparten av oss likar. Dei store og mange steinane hjelper ikkje på den prosenten.

VÅGAL VRI: Å bruke lakris i ein moltedessert, er det morosamt, modig eller berre tullete?
VÅGAL VRI: Å bruke lakris i ein moltedessert, er det morosamt, modig eller berre tullete?

Andre bær har eit heilt anna smaksbilete. Jordbær for eksempel: masse søtleik og syre, og ingen sjenerande steinar. Det seier seg sjølv at det er lettare å like jordbær første gong ein smaker det.

Men kjærleiken til molter blir berre sterkare og sterkare jo fleire gonger ein finn, plukkar og et dei. Når ein attpåtil hjelper moltene litt på veg ved å fjerne halvparten av steinane og tilset meir syre og sukker, og dertil servere dei litt utradisjonelt, har ein tatt eit stort steg i riktig retning for å erobre fans til moltelaget i befolkninga.

Lakris er ein av dei ingrediensane som no gjer seg meir gjeldande i matlaging. Spranget frå lakrislinser, -lisser og -båtar til høgkvalitets lakrispulver i forskjellige målingsgrader er stort. Lakrispulver er laga av røtene på lakrisplanten som i hovudsak er hausta i Iran og Afghanistan. Røtene blir dampa, pressa og tørka før dei vert malte. Resultatet er eit lysebrunt pulver med ein delikat søtleik og ein kraftig lakrisaroma.

På ein nesten uforklarleg måte passar den iranske smaken av lakris utruleg godt saman med akkurat norske molter. Lakrisen er rein og intens, moltesalsaen aromatisk og tjuktflytande, og den enkle kremen med kvit sjokolade – meieriprodukt-alibiet vårt – gir feitt og fylde til kombinasjonen.

 

 

Til toppen