SAKNA: Christer har vore sakna sidan måndag 9. mai. Den 14. mai gjekk familien ut med namn og bilete av den sakna og oppmoda folk til å ta kontakt med politiet om dersom dei har sett Christer. Foto: Privat. 
SAKNA: Christer har vore sakna sidan måndag 9. mai. Den 14. mai gjekk familien ut med namn og bilete av den sakna og oppmoda folk til å ta kontakt med politiet om dersom dei har sett Christer. Foto: Privat.  (Foto: Privat)

Familien ber om hjelp til å få den sakna Christer heim

Laurdag gjekk søstera til den sakna 37-åringen ut på sosiale medium for å be folk om å ta kontakt med politiet dersom dei såg den sakna broren. 

Sogndal: Christer (37) har vore sakna i 10 dagar etter at han kom vekk frå turfølget sitt på Haukåsen måndag 9. mai. 

– Vær snill og del slik at vi kan finne min bror, skriv søstera Gro Charlotte F. Sraidi i eit innlegg på Facebook der ho har lagt ved to bilete av Christer. 

Les også: Ber om hjelp frå frivillige i søket etter sakna mann (37)​

Porten har fått løyve frå familien til å publisere bileta og teksten som vart skriven i innlegget. Utover det, ønskjer ikkje familien å kommentere saka. 

– Har ikkje språk

SAKNA: Christer.
SAKNA: Christer.

Det har vore pause i søket etter den sakna mannen sidan 14. mai og fram til onsdag 18. mai. 

Politiet i Sogndal opplyser onsdag om at dei endå ikkje har starta opp igjen søket, men at dei skal ha møte om planen vidare torsdag morgon. 

Les også: Vurdering av lege: – 37-åring er truleg omkomen

– Eg ber alle i området Haukåsen og Kaupanger om å ta ein ekstra kikk i alle uthus, hytter, garasjar, under tre og busker, hjelp oss å få Christer heim, skriv Sraidi.

Christer er lys i luggen, omlag 180 centimeter høg og veg omlag 80 kilo. Han var kledd i ei dongri kapribukse, utan klede på overkroppen den dagen han forsvann. 

– Han har ikkje språk og er i utgangspunktet ikkje i stand til å ta vare på seg sjølv. Om du veit noko, ser noko eller finn han, ver så snill og ring politiet, avsluttar søstera. 

Les også: Søk etter sakna mann (37) held fram

Telefonnummeret til politiet er: 02800.

 

Til toppen