LUFTIG INNSATS: Eit helikopter måtte trå til då det byrja å brenna i skogen oppe i fjellsida i Vik kommune.
LUFTIG INNSATS: Eit helikopter måtte trå til då det byrja å brenna i skogen oppe i fjellsida i Vik kommune. (Foto: Inger Blomstereng)

Helikopteret avsluttar dropp av vatn, brannmannskapet gjer søk i terrenget

I ettermiddag tok det til å brenna i Feios i Vik kommune, nokre hundre meter opp i fjellsida ovanfor Sognefjorden. Helikopter vart sett inn for å sløkje brannen.

Vik: Brannmannskapet som jobbar med å sløkka brannen i på Feios er på veg opp i terrenget, opplyser alarmsentralen til Porten.no.

Ifølgje Sogn Avis, som var dei første på saka, fekk Alarmsentralen melding om brannen klokka 14.27 fredag ettermiddag. 

Terrenget er særs bratt, noko som gjorde det er vanskeleg å koma til med mannskap og utstyr. Det er ingen bustadar i nærleiken, ifølgje alarmsentralen. 

KRAFTIG RØYK: Røykutviklinga gjorde brannen synleg frå lang avstand. Foto: Inger Blomstereng

– Det siste me fekk frå brannmannskapet er at dei har slutta å droppa vatn frå helikopteret, og skal opp i fjellsida for å ha manuelt søk i området for å sjå korleis det ser ut, seier lagleiar ved alarmsentralen til Porten.no.

Alarmsentralen opplyser at helikopteret skal vidare sørover klokka 19:00:

– Dei er nøgde med det helikopteret har utretta, men må opp for å sjå om det har kome nok vatn. 

Eit helikopter frå Airlift hjelper lokale brannfolk frå Vik og Leikanger i sløkkinga, skreiv NRK.

Har du tips eller bilete frå hendinga? Send på e-post til tips@porten.no.

Til toppen