SJELDANT SYN: Denne elgen og kalven hennar vart filma på sprang ned Årøysvingane i Sogndal. Filmen er fanga i Snapchat, difor er ikkje kvaliteten heilt optimal.
Video

Filma elgar i full galopp på bilvegen

Hafslobygdingen skulle berre snappa om irriterande køar. Så kom denne duoen rasande forbi.

Sogndal: Ein elg og kalven hennar sørga tysdag for trafikkaos i Årøysvingane mellom Hafslo og Sogndal. Tor Erik Ones hadde heldigvis kameraet oppe.

HELDIG: Tor Erik Ones hadde tilfeldigvis mobilen oppe då blinkskotet kom springande inn i ramma. Foto: Privat

– Det var kø i svingen og bom stopp. Eg hadde nettopp stått i kø ved Loftesnesbrui og skulle ta opp telefonen og klage min nød på snapchat. Så kom elgen springande, fortel Ones.

Han er ein ivrig hjortejeger, men har aldri sett elg i Sogn. Bortsett frå spora han såg etter ein som hadde streifa forbi i Fardal i Sogndal for åtte-ti år sidan.

Det er med andre ord eit heilt sjeldan syn han tilfeldigvis rakk å fanga på film.

– Eg vart jo litt sjokkert, vedgår Ones.

Han trur det òg denne gongen berre er snakk om streifdyr, og ikkje ein liten familie som har tenkt å slå rot.

Til toppen