STOR: Fotballgruppa i Lærdal idrettslag er stor og skal mellom anna stå for Lærdalsturneringa på seinsommaren – men til det ordinære årsmøtet i Lærdal idrettslag lukkast det ikkje å finna leiarkandidat og ekstraordinært årsmøte må til. Arkivbilete frå Lærdalsturneringa
STOR: Fotballgruppa i Lærdal idrettslag er stor og skal mellom anna stå for Lærdalsturneringa på seinsommaren – men til det ordinære årsmøtet i Lærdal idrettslag lukkast det ikkje å finna leiarkandidat og ekstraordinært årsmøte må til. Arkivbilete frå Lærdalsturneringa

Finn ingen til å leia fotballgruppa

Like før fotballsesongen startar står fotballgruppa i Lærdal utan leiar. No må ekstraordinært årsmøte til.

Lærdal: – Me har ringt halve Lærdal, men står framleis utan leiarkandidat, seier Helene Maristuen i valnemndi.

Førre veke heldt Lærdal idrettslag årsmøte og valnemndi beståande av Lise Cirotzki og Geir Aarethun, altså i tillegg til Maristuen, jobba hardt for å finna ny leiarkandidat i fotballgruppa ettersom Jan Tore Stølen vil gi seg.

– Må berre få det til

Det lukkast ikkje, så no blir det ekstraordinært årsmøte i fotballgruppa 19. april.

– Det er ganske dramatisk, for fotballgruppa er stor i Lærdal. Og me står rett framfor sesongen. Lærdalsturneringa er eit stort og viktig arrangement i løpet av året, så me må berre få det til. Så finst det ein der ute med glødande interesse for fotball som har litt tid og er litt strukturert, så ønskjer me svært gjerne tips, seier Maristuen.

 

Til toppen