Aurland Røde Kors har tidlegare bidrege i fleire leiteaksjonar i området dei fire vart sakna. Her frå ein tidlegare aksjon. Arkivoto: Anders Veum.
Aurland Røde Kors har tidlegare bidrege i fleire leiteaksjonar i området dei fire vart sakna. Her frå ein tidlegare aksjon. Arkivoto: Anders Veum.

Fire turgåarar funnen etter aksjon i Aurland

Etter ein kort leiteaksjon i Aurlandsdalen kom fire turgåarar i kontakt med Røde Kors, knapt ein time etter leiteaksjonen starta.

Aurland: Seint laurdag kveld fekk Politiet inn ei bekymringsmelding. Fire personar som gjekk tur frå Aurlandsdalen til Vassbygdi kom ikkje fram innan tida dei hadde planlagd.

Litt over halv eitt meldte Politiet at Røde Kors hadde vore i kontakt med turgåarane, og at aksjonen vart avslutta.

– Det er dårleg vêr og store delar av området manglar mobildekning. Difor valde me å setje i gong ein aksjon, sa Arve Samsonsen hjå Politiets operasjonssentral til Porten medan aksjonen framleis pågjekk.

Til toppen