SMITTEVERN: For å hindre koronasmitte stoppar Fjord1 manuell billettering på alle ferje- og passasjerbåtsamband.
SMITTEVERN: For å hindre koronasmitte stoppar Fjord1 manuell billettering på alle ferje- og passasjerbåtsamband. (Foto: Pressefoto/Fjord1)

KORONAVIRUS

Fjord1 stoppar manuell billettering på alle samband

I tillegg vert det heller ikkje kiosksal ombord i ferjene, melder Fjord1 i ei pressemelding.

Sogn: Søndag vart det kjend at manuell billettering vert stoppa ved alle ferjesambanda som er på riksvegar for å unngå koronasmitte. Fjord1 skriv i ei pressemelding søndag kveld at dei stoppar billettering på alle samband, inkludert fylkesvegar

Alle Fjord1-ferjer som ikkje har autopassbetaling tek dermed ikkje mot betaling fram til selskapet har funne alternative løysingar. Der det er mogleg å ta betalt via skiltnummeret, vert dette gjort. 

Passasjerar går førebels gratis på ferjene.

Kontantbetaling utgår også på passasjerbåtane i Vestland. 

I tillegg stoppar Fjord1 alt kiosksal om bord i ferjene, både i betente og sjølvbetente kioskar. 

Ferjeselskapet oppmodar elles dei reisande til å bli sitjande i køyretøyet under overfarten. 

Til toppen