Aurland: Stadig fleire turistar vel å reise i verdsarvområdet på Nærøyfjorden, og dette har bidrege til ein svært god sesong for turistnæringa i Flåm, skriv Avisa-Hordaland. I tillegg til høge passasjertal har ein gunstig kronekurs for turistane hatt positiv innverknad.
Les også: Flåmsbana rundar truleg 900 000
– For cruiseskipa har det vore ein kjempesesong, og me merkar tydeleg utslag på kronekursen. Det ser ut som turistane brukar meir pengar i land, seier assisterande hamnesjef Jon Olav Stedje i Aurland Hamnevesen.
Salssjef Stig Johnny Buvik i Flåm AS anslår ein passasjervekst på 12– 13 prosent på Nærøyfjorden samanlikna med fjoråret. (©NPK)
