FØRSTE: Første smittetilfellet vart registrert i Høyanger måndag ettermiddag.
FØRSTE: Første smittetilfellet vart registrert i Høyanger måndag ettermiddag. (Foto: Vilde Grimelid Oppedal/arkivfoto)

Første koronatilfelle registrert i Høyanger

Éin person har testa positivt på koronaviruset i Høyanger.

Høyanger: Like før klokka 15.30 i dag fekk Høyanger kommune og kommuneoverlegen melding om at ein tilsett i Høyanger kommune har testa positivt på COVID-19, også kjent som koronaviruset, skriv kommunen i ei pressemelding. 

Kommunen vil setje i verk tiltak i tråd med nasjonale og faglege retningslinjer med omsyn til den råka personen og omgjevnadene. 

Kriseleiinga i kommunen følgjer situasjonen tett og vil ha eit nytt møte i morgon klokka 09.00, ifølgje pressemeldinga. 

Ordførar Petter Sortland (Ap) seier til Porten.no at andre tilsette i kommunen vil måtte i karantene etter dette.

– Vil dette påverke drifta i kommunen? 

– Det vil det. Det gjev utfordringar, utan at eg kan gå nærare inn på dette no, seier Sortland. 

Han seier at kommunen førebels ikkje veit korleis personen har blitt smitta. 

Til toppen