SERTIFISERT: Tømrarbedrifta Nordbohus Sogn i Kaupanger har fått miljøsertifisering.
SERTIFISERT: Tømrarbedrifta Nordbohus Sogn i Kaupanger har fått miljøsertifisering. (Foto: Nordbohus Sogn)

Første tømrarbedrift i Sogn og Fjordane til å bli Miljøfyrtårn

Nordbohus Sogn vart nyleg tildelt sertifiseringa Miljøfyrtårn.

Sogndal: I september fekk Nordbohus Sogn tildelt beviset på at dei no er sertifisert som Miljøfyrtårn-bedrift. 

Dette kjem etter at selskapet har jobba mykje med dokumentering av arbeid med avfall på byggjeplassar og andre tiltak for miljøet, skriv dei i ei pressemelding.  

 Me er den første tømrarbedrifta i Sogn og Fjordane som har denne utnemninga, seier Dag Loftesnes, dagleg leiar i Nordbohus Sogn.

– Stolte

Nyleg fekk Nordbohus Sogn godkjent sertifisering som Miljøfyrtårn. Ordførar Jarle Aarvoll var tilstades for å overrekka beviset. 

Heidi Fossnes Helle har vore prosjektleiar for arbeidet med miljøsertifiseringa.

– Me er særs stolte over denne flotte utmerkinga og det gode arbeidet som ligg bak. Dette er viktig, både for miljøet og for å synleggjera Nordbohus som ein aktør for framtida. Miljørett drift er i ferd med å bli ein marknadsførbar kvalitet, også i byggenæringa. 

Til toppen