DÅRLEG FRAMKOMST: Sjølv om sola har byrja å gløtta fram, kan det ta noko tid før Hol-Aurland blir opna igjen, etter dette biletet å døma.
DÅRLEG FRAMKOMST: Sjølv om sola har byrja å gløtta fram, kan det ta noko tid før Hol-Aurland blir opna igjen, etter dette biletet å døma. (Foto: Webkamera/Statens vegvesen)

Framleis ruskete i fjellet – slik er stoda på vegane

Det er venta at uvêret skal roa seg utover dagen, men framleis er fleire fjellovergangar stengde. Sjekk lista her.

Indre Sogn: Sterk vind og snø har gjort det vrient å ta seg over fleire fjellovergangar i Sør-Norge. Utover dagen er vêret venta å løya, men inntil vidare er fleire av dei framleis stengde.

Her er stoda akkurat no i Indre Sogn:

  • Filefjell er ope. Klokka vart det meld om minus éin grad, frisk bris og opphald.
  • På Hemsedalsfjellet er det no fri ferdsel, etter at det tidlegare på dagen vart innført kolonnekøyring. Store kjøretøy blir oppfordra til å bruka kjetting. Klokka 12.50 var det minus to grader, frisk bris og opphald. Fram til 9.30-tida var vegen heilt stengd på grunn av uvêret.
  • Fjellovergangen mellom Aurland og Hol er stengd på grunn av oppryddingsarbeid.
  • Tyin-Årdal er stengd på grunn av uvêr.
  • Vikafjellet er stengd på grunn av ras og fare for ras. Ny vurdering skal vera rett rundt hjørnet.
Til toppen