KOLLISJON: To av bilane vart sopass skada at dei ikkje var køyrbare etterpå.
KOLLISJON: To av bilane vart sopass skada at dei ikkje var køyrbare etterpå. (Foto: Amalie Lomheim/ Tobias Molland)

Vegen opna etter front mot front-kollisjon i Sogndal

Totalt tre bilar og seks personar er involvert. Det er ikkje meldt om personskade.

Sogndal: Klokka 08.00 fekk politiet melding om ei trafikkulukke på Fjærlandsvegen i nærleiken av Sogndal sentrum. Det var ein front mot front-kollisjon, der totalt tre bilar og seks personar var involvert. Det blei ikkje meldt om personskade, men to av bilane var ikkje køyrbare etter ulukka, meldte politiet på Twitter.

FJERNA: Begge bilane blei fjerna like over klokka 09.00. Foto: Amalie Lomheim/ Tobias Molland

– Tre av dei seks personane som var involvert, blei avhørt. Politiet har no avslutta på staden, seier operasjonsleiar ved Vest politidistrikt, Tatiana Knappen.

Operasjonsleiaren kan fortelje at politiet har oppretta sak.

Bilane blei fjerna klokka 09.10, og vegen er no open for ferdsel.

Saka vert oppdatert. Har du tips eller bilete frå hendinga? Send på SMS til +4799260416 eller på e-post til tips@porten.no.

Til toppen