PROTEST TIL INGA NYTTE: Frå og med i dag må elevane på vidaregåande skular i Sogn og Fjordane følgje dei nasjonale fråværsreglane. Her frå ein protestaksjon ved Sogndal vidaregåande skule i sommar. Foto: arkiv.
PROTEST TIL INGA NYTTE: Frå og med i dag må elevane på vidaregåande skular i Sogn og Fjordane følgje dei nasjonale fråværsreglane. Her frå ein protestaksjon ved Sogndal vidaregåande skule i sommar. Foto: arkiv. (Foto: Halvor Farsund Storvik)

Fylkespolitikarane måtte bite i det sure fråværseplet

No er det bestemt, elevar på vidaregåande får ikkje gyldig fråvær for køyretimar.

Leikanger: Det vart klart då Hovudutvalet for opplæring i Sogn og Fjordane i dag vedtok fråværsreglar som rettar seg etter det nasjonale regelverket.

TVINGA TIL RETRETT: Karianne Torvanger (Ap) seier dei framleis vil kjempe for ei oppmjuking av det nasjonale fråværsreglane.
TVINGA TIL RETRETT: Karianne Torvanger (Ap) seier dei framleis vil kjempe for ei oppmjuking av det nasjonale fråværsreglane.

–​ Det er eigentleg å bite i det sure eplet, men vi hadde ikkje noko val i denne runden no, seier utvalsleiar Karianne Torvanger, som understrekar at dei vil halde fram med å kjempe for ei oppmjuking.

Les også: Her skulkar elevane i protest mot ny fråværsregel
Les også: Ho tok fråværspraten med ministeren

Dei nye reglane vart i haust innført med mål om å få bukt med skulking i skulen: elevar kan ikkje ha meir enn ti prosent fråvær i eit fag før dei mistar standpunktkarakteren.

Regelendringa møtte stor motstand og her i fylket vart det innført ei endring som unntok køyretimar frå 10-prosentregelen. Seinare vedtok fylkesmannen at dette var ulovleg.

No har fylkespolitikarane motvillig måtta føye seg etter dei høgare makter.

 

Til toppen