UVÊR: Det er ikkje optimale forhold i fjellet tysdag morgon, noko som fører til at fylkesveg 50 er stengt. Foto: Webkamera/Statens vegvesen.
UVÊR: Det er ikkje optimale forhold i fjellet tysdag morgon, noko som fører til at fylkesveg 50 er stengt. Foto: Webkamera/Statens vegvesen.

Fylkesveg 50 er stengt

Uvêr stenger Hol-Aurland tysdag morgon. Det er framleis ope på dei andre fjellovergangane. 

Aurland: Fjellovergangen vart stengt like før 07.00 tysdag morgon på grunn av uvêr. Det har kome ein del nedbør i natt, som har gitt voldsomt med snøbyger.

På dei andre fjellovergangane går trafikken, men forholda er ikkje optimale. 

Best ser det ut til å gå på E16 Filefjell, der det vert meldt om snø og lett bris i nokre få minusgrader.

På riksveg 52 Hemsedalsfjellet er sikta redusert på grunn av mykje snøvêr, og store køyretøy bør bruke kjetting, er anbefalinga frå Vegvesenet.

Også på fylkesveg 53 Årdal-Tyin er sikta redusert på grunn av mykje snø, medan fylkesveg 55 Sognefjellet er stengt på grunn av uvêr. Her vert det gjort ei ny vurdering klokka 13.00 tysdag. 

Til toppen