STILLER TIL ATTVAL: Tysdag kveld vart det klart noverande ordførar Geir Solheim er Senterpartiet i Lærdal sin ordførarkandidat.
STILLER TIL ATTVAL: Tysdag kveld vart det klart noverande ordførar Geir Solheim er Senterpartiet i Lærdal sin ordførarkandidat. (Bilde: Arkiv)

Han er Senterpartiet sin ordførarkandidat i Lærdal

Det vart avgjort tysdag kveld.

Lærdal: Tysdag kveld møtte medlemma i Lærdal Senterparti til nominasjonsmøte framanfor kommunevalet i haust. 

Der vart det avgjort at noverande ordførar Jan Geir Solheim, igjen står på førsteplassen for ordførarkandidaturet for partiet. 

– Det vart eit godt arbeidsmøte, og me er nesten klar med vallista. Jan Geir Solheim er Senterpartiet sin førstekandidat, seier Viktor Yttri til Porten.no i ein sms etter møtet.

Han fortel at det står att nokre justeringar på resten av vallista, men at det vil vera 23 namn totalt. 

– Det er ei liste med god breidde geografisk i bygda, god balanse mellom kjønn og me har fått med oss mange unge, seier Yttri. 

Vil ta ein ny periode

Tidlegare i januar sa Solheim til Porten.no at han ønskja å stille til attval. Han har lagt bak seg åtte år som ordførar i Lærdal. Då me først nådde ut til ordføraren rett etter nyttår, hadde han ikkje bestemt seg. 

– Eg har gått eit par rundar med meg sjølv, og føler meg svært motivert til å stilla som ordførarkandidat ved neste val, sa han då.

I tida framover vil han mellom anna jobba mykje med utvikling, drift og framgang i næringslivet. 

– Det har vore mange grunnar til at me ikkje har fått til det i Lærdal tidlegare, men no ligg mykje til rette for å få det til betre enn nokon gong.

Til toppen