TALENT: Årdølene skal kjempe om å vere blant dei sju som går videre for å representere Region Vest i Skien. Foto: Privat.
TALENT: Årdølene skal kjempe om å vere blant dei sju som går videre for å representere Region Vest i Skien. Foto: Privat.

Handballtalent frå Årdal tekne ut til gjev samling​

Marita Ylvisåker og Mari Vee skal representere Jotun/Årdalstangen i talentsamlinga. 

Årdal: 15-åringane Marita Ylvisåker og Mari Vee er uttekne til den regionale talentsamlinga som går føre seg på Sotra i juni. 

Ylvisåker fortel til Porten.no at ho blei svært glad då ho høyrte ho var ein av dei uttekne. 

– Handball er det eg likar å drive med, så det å få vere med på ein slik samlig set eg veldig stor pris på. 

– Viktig for klubben

Trenaren til jentene, Harald Husabø, poengterer at slike moglegheiter er viktig for klubben.

– Det er veldig kjekt at dei får moglegheit til å vise seg fram og trene med andre, gode spelarar i regionen. Mange spelarar frå Bergen spelar på eit høgt nivå, og det er fint at jentene får kjenne på kva som skal til for å utvikle seg til flinke handballspelarar. Det er viktig for klubben at spelarane som har lyst til å satse på handballen har sjansen til å vere med på slike samlingar. ​

Sju spelarar går vidare

Under samlinga, der over 100 spelarar skal vere med, vil kun sju jenter og sju gutar bli vald vidare til Skien for å representere Region Vest. 

– Eg er veldig spent på korleis det kjem til å gå, fortel Ylvisåker. 

– Eg har ikkje store forventningar til å bli blant dei sju som blir tatt ut, sjølv om det hadde vore heilt fantastisk! No gledar eg meg eigentleg berre til sjølve samlinga.

Til toppen