TETT KONKURRANSE: Hans Skogli leiar ungdomsbedrifta Shoesaver frå Årdal. No ventar litt større ansvar.
TETT KONKURRANSE: Hans Skogli leiar ungdomsbedrifta Shoesaver frå Årdal. No ventar litt større ansvar. (Bilde: Privat)

Hans (18) blir toppleiar for ein dag

Hans Skogli (18) førte ungdomsbedrifta Shoesaver til topps. Torsdag inntek årdølen leiarstolen i Norges Reiarforbund. 

Årdal: I regi av Ungt Entreprenørskap skal tretti unge talent få følge kvar sin toppleiar neste torsdag. Kommunalminister Jan Tore Sanner, NHO-president Arvid Moss, børsdirektør Bente Landsnes og ballettdirektør Ida Lorentzen er blant leiarane som får ein ungdom som skugge denne dagen. 

FINSTASEN: Shoesaver gjorde det sterkt under NM i ungdomsbedrift på Lillestrøm i mai.
FINSTASEN: Shoesaver gjorde det sterkt under NM i ungdomsbedrift på Lillestrøm i mai. Foto: UE Norge /Flickr

Over 12 000 dreiv ungdoms- og studentbedrift førre skuleår. Prestasjonane som dagleg leiar i ShoeSaver sikra Hans Skogli ein plass blant dei tretti heldige.

– Eg tykte det var utruleg kjekt og lærerikt å driva ungdomsbedrift og å bli valt ut til Leiar for ein dag er ei stor æra. Det blir spennande og eg gler meg til å tilbringa dagen med Sturla Henriksen, sier han i ei pressemelding frå Ungt Entreprenørskap.

ShoeSavers har vunne prisar på rekke og rad for deira innsats for å redde fottøyet til landets festivalgjengarar. I mars vart dei kåra til beste ungdomsbedrift i Sogn og Fjordane og i NM var dei blant dei åtte som fekk utmerking av juryen i hovudategorien «Norges beste ungdomsbedrift».

– Skipsfarten er ei innovativ næring og vi er heilt avhengige av å løfte fram nye talent. Då er det ekstra spennende å møte unge som gjennom ungdomsbedriftene sine har turt å utfordre seg sjølv litt ekstra. Erfaringa og kompetansen dei får med seg frå desse prosjekta er gull verdt for næringslivet, sier Sturla Henriksen, administrerende direktør i Norges Reiarforbund, i pressemeldinga.

I ei tidlegare utgåve av saka var administrerande direktør Sturla Henriksen kreditert med eit anna sitat. Det viste seg at det ikkje hadde blitt avklara med opphavsmannen, så det er no endra.

Til toppen