VINTERLEG: Slik ser det ut på Sognefjellshytta, 1400 meter over havet.
VINTERLEG: Slik ser det ut på Sognefjellshytta, 1400 meter over havet. (Foto: Webkamera/Statens vegvesen)

Har rydda Sognefjellsvegen, men no blir den ikkje opna likevel

Fyst har eit steinras stengt vegen i over ei veke, og no vil den halda fram med å vera stengt grunna uvêr i fjellet.

Sognefjellet: – Vêrmeldingane i fjellet varslar uvêr det komande døgnet, så det blir difor ikkje opna for trafikk over Sognefjellet i dag, seier Katrina Kvåle ved vegtrafikksentralen. 

Det var for halvanna veke sidan, den 14. september, at eit ras gjekk ved Bøvertunsvatnet på austsida av Sognefjellet. 

RAS: Sognefjellet har vore stengt i over ei veke grunna ras. Foto: Statens Vegvesen

Vegvesenet måtte bruka helikopter for å få ned steinar og lausmassar, og grunna sterk vind tok det fleire dagar før arbeidet kunne gjerast ferdig.

– Sognefjellsvegen har difor vore stengd på strekningen mellom Krossbu og Rustadsæter.

Oppryddningsarbeidet er ferdig 

Arbeidet skulle vera ferdig i dag, men no vil vegen halda fram som stengt på ubestemt tid grunna uvêret. 

– Oppryddningsarbeidet er ferdig, men vegen vil ikkje bli opna for trafikk grunna vêret. Det er vanskeleg å seia når det blir opna, seier Kvåle. 

STENGD: Dette er synet som møter dei som vil køyra over rv. 55, Sognefjellsvegen. Foto: Linda Watten
Til toppen