QUIZ: Tommy Øren er ein av fem sogningar med landskampar, Future of the Fjords er namnet på den elektriske passasjerbåten, Frida Hunshammer skal spela på Jordeplerock og Norsun er årdalsverksemda med utvidingsplanar.
QUIZ: Tommy Øren er ein av fem sogningar med landskampar, Future of the Fjords er namnet på den elektriske passasjerbåten, Frida Hunshammer skal spela på Jordeplerock og Norsun er årdalsverksemda med utvidingsplanar. (Foto: Montasje)

Her er fasiten på påskequizen

Om du ikkje har fått med deg vår påskequiz, får du både spørsmåla og svara her. Så kan du testa deg sjølv, eller utfordra vener og kjende på denne siste påskedagen.

Påskequiz: Vår uhøgtidelege påskequiz viste seg å vera ei tøff nøtt for fleire av dykk. Den som greidde flest svar var Margrete Oline Horge frå Lærdal, med imponerande 17 av 20 poeng. Ho får eit PåskeFlax-lodd tilsendt i posten. 

Her får du spørsmåla og fasiten, viss du har nokon å testa dei på.

Fasit:

Sport:

  1. Nemn fem spelarar som har forlate Sogndal sidan nedrykket i fjor var eit faktum? 
    Svar: Taijo Teniste, Gilbert Koomson, Tarjei Omenås, Eirik Skaasheim, Chidiebere Nwakali, Christophe Psyche, Kjetil Wæhler, Bjørn Inge Utvik, Bendik Bye, Simen Brekkhus.
  2. Nemn tre spelarar på Årdal FK som alle har tatovering på underarmen? 
    Svar: Marius Loftheim, Truls Hovland, Christian Stedje, Johnny Aspeseter.
  3. Kva heiter klubben i Toppserien som noverande leiar i Kaupanger Fotball har spelt for?
    Svar: Trondheims-Ørn
  4. Kva heiter trenaren til Jotun/Årdalstangen sitt handballag for kvinner?
    Svar: Lene Høsøien
  5. Nemn fem spelarar frå Indre Sogn som står registrert med èin eller fleire landskampar for herrelandslaget i fotball.
    Svar: Eirik Bakke, Anders Stadheim, Tommy Øren, Lasse Opseth, Terje Skjeldestad.

Kultur:

  1. Kva band frå Trondheim skal opna Målrock i år?
    Svar: Her hadde quizmakarane anten gjort dårleg research, eller så var det eit lurespørsmål. Sanninga er at opningskonserten ikkje er annonsert enno.
  2. Dei syng på skånsk og skal spela i Fresvik denne sommaren. Kva heiter bandet?
    Svar: Bob Hund.
  3. Ho kjem frå Årdal, har vore med i eit musikalsk realityshow og skal spela på ein rockete potetfestival i Lærdal denne sommaren. Kven tenkjer me på?
    Svar: Frida Hunshammer.
  4. I Årdal har dei importert ein populær trend frå Bergen, nemleg å kombinera barbesøk med dette tradisjonelle handarbeidet. Viss me seier at det rimar på drikking, greier du då å gjetta kva det er?
    Svar: Strikking.
  5. Kva heiter årdølen som denne våren er aktuell med si tredje diktsamling, men som er mest kjent for musikken han lagar?
    Svar: Karl Seglem.

Næringsliv:

  1. Dette ordet blir både brukt om eit transportmiddel under jorda og er namnet på ein spisestad i Sogndal. Kva ord skal me fram til?
    Svar: Subway.
  2. Kva heiter Lerum-produktet som sel for over hundre millionar i året, men som likevel ikkje har Lerum-logoen på etiketten, ei heller eksisterer på heimesida til verksemda?
    Svar: ZERoh
  3. Denne bedrifta held til på Årdalstangen og har tenkt å tidobla produksjonen av noko som kan høyrast ut som vaflar, men som i realiteten er langt grønare og meir høgteknologisk. Kva heiter bedrifta?
    Svar: Norsun
  4. Kva selskap var i fjor det beste og raskast veksande i Sogn, ifølgje ei «gaselle»-kåring av Dagens Næringsliv?
    Svar: Flåm AS
  5. Kva heiter den elektriske passasjerbåten som frå mai i år etter planen skal gå i rute frå Gudvangen til Flåm?
    Svar: Future of the Fjords

Lett blanding:

  1. Bonden frå Lærdal er den siste attverande i sitt slag i Sogn, men er no trua med nedlegging etter at regjeringa har føreslått å forby levebrødet hans. Kva driv denne bonden med?
    Svar: Pelsdyroppdrett
  2. Ein bilentusiast frå Lærdal var blant dei femten første i Sogn som skaffa seg personleg bilskilt i sommar. Kva heiter produsenten av det italiensk fartsvidunderet han bestilte det til? 
    Svar: Lamborghini
  3. Mannen som har fått ansvaret for å lyssetta Loftesnesbrui har eit anna langstrakt byggverk frå Sogn på CV-en. Kva heiter det?
    Svar: Lærdalstunnelen.
  4. Kva er det høgaste fjellet i kvar av kommunane Årdal, Sogndal, Lærdal og Aurland?
    Svar: Store Skagastølstind, Suphellenipa, Høgeloft og Blåskavlen.
  5. Kva kommune i Indre Sogn auka mest og minka mest i folketal (i tal personar, ikkje i prosent) frå 2017 til 2018?
    Svar: Sogndal auka mest og Årdal minka mest.
  6. Kva heiter denne flåtte representant for friluftsfolket, som i sommar er programleiar når NRK skal laga minutt for minutt-TV frå mellom anna Jotunheimen og Utladalen?
    Svar: Lars Monsen.
Til toppen