FULL RULLE: Etter ein roleg periode etter sommaren er det denne helga igjen full aktivitet på skytebanene i Sogn. Her frå den interne skytinga på Leikanger.
FULL RULLE: Etter ein roleg periode etter sommaren er det denne helga igjen full aktivitet på skytebanene i Sogn. Her frå den interne skytinga på Leikanger. (Bilde: Leikanger skyttarlag)

Her er skytesesongen endeleg i gang

I Leikanger vert årets første stemne òg det aller første i nytt hus.

Leikanger: Skyttarmiljøet i Sogn inviterer til miniatyrstemne i Hafslo, Sogndal, Norum og Leikanger denne helga.

– Me ler oss til å ta i mot dei over 200 påmelde og til å få testa det nye anlegget skikkeleg denne helga, seier leiar Olav Skarsbø i Leikanger skyttarlag.

SISTE FINPUSS: For mange skyttarar er stemnet det første nokosinne, for dei meir erfarne markerer det starten på ein ny sesong.
SISTE FINPUSS: For mange skyttarar er stemnet det første nokosinne, for dei meir erfarne markerer det starten på ein ny sesong. Foto: Leikanger skyttarlag

For dei lokale skyttarane markerer stemnet starten på sesongen. Her kan dei få endeleg få konkurransetrening att etter sommarpausen.

Skyttarlaga har òg skyteskule for dei yngste om hausten. Difor er dette for mange det aller første skytestemnet dei deltek på.

– Me jobbar med rekruttering og opplæring gjennom hausten og vinteren og ser gjerne at dei yngste vert med rundt på banene i nabolaga heilt frå starten av, seier Skarsbø, som oppmodar alle interesserte til å koma innom skytebanene denne helga.

Til toppen