DUGNADSGJENG: Jon Hillestad (entreprenør, f.v.), Kjell Kvåle (Bratt Moro), Liv Hamre (Sogndal turlag) og Tom Dybdal (Sogndal turlag) starta arbeidet med parkeringsplassane denne veka. Foto: Bratt Moro
DUGNADSGJENG: Jon Hillestad (entreprenør, f.v.), Kjell Kvåle (Bratt Moro), Liv Hamre (Sogndal turlag) og Tom Dybdal (Sogndal turlag) starta arbeidet med parkeringsplassane denne veka. Foto: Bratt Moro

Her lagar dei parkeringsplass til skifolket

Mjølkebilen fekk trøbbel med å koma fram fordi skituristar parkerte i kanten av vegen. No er dugnaden med å få på plass parkeringsplassar i gang.

Sogndal: – Etter eit svært godt samarbeid med grunneigarane, ein fantastisk entreprenør som stiller med masse dugnadstimar, og administrasjon og dugnadstimar frå Turlaget og Bratt moro, er me klare til å få parkeringsplassane ferdige før vinteren kjem, seier Kari-Anne K. Strandman, styreleiar i Bratt Moro.

Laurdag starta arbeidet med å laga åtte til ti parkeringsplassar ved vegen opp til gardane på Fretland i Sogndalsdalen. Dette er utgangspunkt for turar i området, særskild skiturar på toppen Tylderingen.

POPULÆR: Tylderingen er vorte eit populært turmål, særskild for skifolket. Når skisesongen byrjar att blir det også lettare å parkera på startpunktet.
POPULÆR: Tylderingen er vorte eit populært turmål, særskild for skifolket. Når skisesongen byrjar att blir det også lettare å parkera på startpunktet.

– Gøy å få til slike tiltak på dugnad

– Dette har alltid vore ein populær topp for dei lokale, og med auka fokus og interesse for friluftsliv i bygda generelt dei siste åra, er det mange som har oppdaga denne fine lågterskelturen, seier Strandman.

Men populariteten har også skapt utfordringar:

– Sist vinter såg me spesielt problem når mjøllkebilen skulle fram, forklarar ho.

Med velviljuge grunneigarar og entreprenør Jon Hillestad på laget, fekk Bratt Moro og turlaget i gang eit samarbeid om å laga parkeringsplassane:

– Det er spesielt gøy å få til slike tiltak på dugnad, me jobbar alle mot eit felles mål om å få folk ut i naturen, seier Kjell Kvåle i Bratt Moro.

Til toppen