TRAVLØP: På Kaupanger var det tid for det årlege travløpet med hestar frå heile Vestlandet.
TRAVLØP: På Kaupanger var det tid for det årlege travløpet med hestar frå heile Vestlandet. (Foto: Jostein Heggestad)

Hestar frå heile Vestlandet møtte på Kaupanger for å konkurrera

Sjølv om konfirmasjonar rundt omkring hindra både utøvarar og publikum frå å møta opp, vart det årlege travløpet på Kaupanger ein suksess.

Kaupanger: – Me har prøvd å ha eitt travløp i året dei siste fem åra sidan me åpna travbana, fortel arrangør Marianne Vikheim.

Travsporten den eldste organiserte konkurranseidretten i Norge. Sogn travselskap vart stifta i 1886, som eitt av dei eldste i landet.

10 aktive travhestar

MOTERETT: Målet er å koma seg raskast rundt bana, men det skadar ikkje at hest og kust stiller i matchande fargar. Foto: Jostein Heggestad

Travlaget har omtrent 50 medlemmar og omtrent 10 aktive travhestar, som er eigd av medlemmar i laget og blir trent lokalt i Sogn.

– Før i tida hadde me iskøyring på Dalavatnet om vinteren, men etter at travbana offisielt blei opna har me ikkje hatt det. Difor prøver me å ha ei lokal køyring ein gong i året. 

Lokale premiar

Konkurransen har ikkje pengepremiar, men pokalar. 

Travhestmiljøet er størst på Vestlandet og Vikheim fortel at dei fleste som er med på konkurransen kjem frå Sunnfjord, Sogn og bergenstraktene.

– Fordi me valde å arrangera travløpet i mai i år blei det litt færre påmelde på grunn av konfirmasjon og slikt.

Aktivitetane i Sogn gjekk òg utover talet publikum som var til stades.

– Det såg ut som dei som var her hadde det veldig kjekt. Dei hadde sjansen å sitta på og køyra nokre rundar. I tillegg hadde me ein svært dyktig speaker i leiaren av Vestenfjeldske Travforbund. Han lagde svært god stemning, seier Vikheim.

RESULTATLISTE: Sjå resultatet frå laurdagens travløp.
Til toppen