Leikanger: Samanslåingsnemnda til Hordaland og Sogn og Fjordane har fått seks søkarar til stillinga som prosjektleiar og framtidig fylkesrådmann i det nye fylket.
Kven av dei seks det blir skal dei avgjera i møte 4. mai.
– Interessa viser at dette er ei attraktiv og viktig stilling, seier Anne-Gine Hestetun, fylkesordførar i Hordaland i ei pressemelding.
Her er lista:
- Karen-Marie Eek-Larsen (57) frå Alversund, assisterande fengselsleiar
- Thorbjørn Johan Gaarder (63), Oslo, kredittsjef, òg kjent som den ivrigaste jobbsøkaren i Norge.
- Anne Karin Hamre (53), Sogndal, fylkesmann i Sogn og Fjordane
- Karl Petter Haugen (49), Strusshamn, underdirektør hos Nasjonal sikkerheitsmyndigheit
- Rune Haugsdal (58), Eidsvågneset, fylkesrådmann i Hordaland.
- Tarjei Torvik (25), Bergen, student/arbeidssøkar.
Den som blir tilsett vil få tittelen prosjektleiar, fram til etableringa av den nye fylkeskommunen 1. januar 2020. Då går stillinga over til å vera fylkesrådmann for det nye storfylket.
