FRÅ BLÅTT TIL GRØNT: Lene Høsøien har fortid i Jotun, men har dei to siste sesongane vore spelande trenar for Florø. No vender ho tilbake til heimbygda som hovudtrenar for Jotun/Årdalstangen.
FRÅ BLÅTT TIL GRØNT: Lene Høsøien har fortid i Jotun, men har dei to siste sesongane vore spelande trenar for Florø. No vender ho tilbake til heimbygda som hovudtrenar for Jotun/Årdalstangen. (Bilde: Arkiv)

Ho tek over trenaransvaret i gamleklubben

Erstattaren til Olafur Sveinsson er klar: – Eg gler meg, seier Lene Høsøien, som gav seg som jotunspelar for to år sidan.

Årdal: – No er det bestemt, seier Gunnar Huse, nyvald leiar i handballgruppa i IL Jotun.

Det han siktar til er trenarkabalen til Jotun/Årdalstangen før komande handballsesong: hovudtrenar blir Lene Høsøien, med trioen Helge Rørvik, Nina Jevnaker og Heiða Arsenault som hjelpetrenarar.

– Vi er veldig nøgde med å ha fått dei på plass. Utfordringa har vore å gå frå å ha ein lønna trenar, til noko som er dugnadsbasert. Det er ei stor endring, seier Huse.

I år, som i fjor, er ambisjonen til klubben å få på plass eit stabilt og godt lag. På sikt er det å rykke opp til tredjedivisjon.

– Om det skjer i år, eller litt fram i tid, er kanskje ikkje det som er vesentleg akkurat no, seier Huse.

Høsøien er tidlegare jotunspelar, men har dei siste to sesongane vore spelande trenar for Florø.

– Det er heilt topp og eg gler meg til å ta fatt på oppgåva. Det blir spanande å sjå korleis laget blir og kven som møter opp, så får me ta det derifrå, seier Høsøien, som for tida er på ferie i Bulgaria.

Til toppen