Høyanger: – Høyang var best i alt i dag, seier Tore Ytredal, leiar for fotballgruppa Høyang.
Høyang spelte på heimebane mot Bremanger laurdag. Berre etter 6 minuttar sendte dei ballen i nettet.
– Høyang gjekk opp til 1-0 leiing etter 6 minutt ved Jacob Bergset. Dei burda ha leia 3-0 før Bremanger utlikna 1-1. Det var på corner, men burde vore avblås og soleklart frispark til Høyang, seier Ytredal.
Etter 23 minuttar utlikna spelaren Eirik Førde Rylandsholm for Bremanger stillinga til 1-1.
Hadde enormt mange sjansar
Like før pause sendte Michael Våge Høyang opp i leiing igjen. Dei går til pause med stillinga 2-1 til Høyang.
I andre omgang fekk Høyang straffespark etter 59 minuttar, og Jacob Bergset sparka ballen inn, og Høyang vinn kampen 3-1.
– Høyang burde ha vunne 10-1. Me hadde enormt mange sjansar, seier Tore Ytredal.
- Les òg: Dei unge inntar kommunestyret
