Førde: I år har 42 skular kjempa om ein plass i finalen i Sogn og Fjordane. Dei innleiande rundane starta på radio i byrjinga av januar. No står det att fire finalistar som skal kjempa om plass i den nasjonale finalen.
– Med deltakarrekord på 42 skular har det vore eit temmeleg trongt nålauge, seier Ola Weel Skram i ei pressemelding.
Han har besøkt alle skulane og som skal leie finalen onsdag.
Dei fire laga som kjempar om to plassar i den TV-sende landsfinalen er:
- Vågsøy ungdomsskule
- Leikanger ungdomsskule
- Naustdal skule
- Halbrend skule
Dagens finale i Sogn og Fjordane kan du sjå her på NRK.no frå klokka 15.30.
Den nasjonale finalen i Oslo 2020 blir sendt over fem program på NRK1. Første sending er 17. april. Sjølve finalen er 16. mai.
