SYND: Festivalsjef Sunniva Breidvik tykkjer det er dumt at det vart ingen vinnarar frå Sogn denne gongen.
SYND: Festivalsjef Sunniva Breidvik tykkjer det er dumt at det vart ingen vinnarar frå Sogn denne gongen.

Ingen lokale prisvinnarar på Sogndal filmfestival: – Synd

– Det er synd at sogningane ikkje får vist seg fram, seier festivalsjefen, som oppmodar dei lokale filmtalenta til å komme sterkare tilbake neste år.

Sogndal: Sogndal Filmfestival har i år fått inn rekordmange bidrag frå heile landet. Det betyr at kvaliteten er høgare enn nokon gong, men samstundes at det er vanskelegare for dei lokale talenta å nå opp.

STYRTE SHOWET: Sogndal filmfestival vert arrangert av medieelevar ved Sogndal vidaregåande skule. Veronika Vindedal og Magnus Førde var konferansierar under gallakvelden torsdag.
STYRTE SHOWET: Sogndal filmfestival vert arrangert av medieelevar ved Sogndal vidaregåande skule. Veronika Vindedal og Magnus Førde var konferansierar under gallakvelden torsdag.

Festivalsjef Sunniva Breidvik tykkjer det er dumt at det vart ingen vinnarar frå Sogn denne gongen.

– Vi tenkjer det er positivt at filmfestivalen, som i utgangspunktet var lokal, har blitt sett litt på kartet nasjonalt. Det er litt synd at sogningane ikkje får vist seg fram, men det er jo ein av konsekvensane.

Les også: Han er ein av ti som kjempar om gjev pris på filmfestival​

Ho seier det ikkje ligg ei bevisst satsing bak det faktum at dei er i ferd med å bli ein nasjonal festival for ung kortfilm.

– Eigentleg ikkje. Vi har berre prøvd å marknadsføre oss sjølv gjennom Facebook og på ein eller annan måte så har vi nådd fram til dei som satsar på film på høgare utdanningar, seier Breidvik. 

– Kva må til for at fleire lokale når opp til neste år?

– Eg føreslår at vi sogningar berre held fram å sende inn filmar og står på, så er eg heilt sikker på at det òg er mange gode filmar herifrå som kan bli vist fram på filmfestivalen, seier festivalsjefen.

Prisvinnarane:

  • Junior: Pelle oppå Heida av Rubert Flatjord Kjøsnes
  • Senior: Oslo Traffic av Marta Huglen Revheim
  • Sportsfilm: Vår beste dag av Matias Myklebust
  • Dokumentar: Hjartebarn av Silje Birkhol, Lisa Bendal og Thea Berge Baastad
  • Etterarbeid: The letter av Simon Gjerde Tonev
  • Regi og manus: The letter av Simon Gjerde Tonev
  • Beste film: - Hjartebarn av Silje Birkhol, Lisa Bendal og Thea Berge Baastad
  • Juryprisen: The Letter
  • Publikumsprisen: The Letter av Simon Gjerde Tonev. Fekk 16% av 3000 stemmer på NRK Sogn og Fjordane.
Til toppen