KLARE FOR 3. DIVISJON: Jotun/Årdalstangen skal igjen spela i 3. divisjon, etter nedrykket til fjerde i 2016.
KLARE FOR 3. DIVISJON: Jotun/Årdalstangen skal igjen spela i 3. divisjon, etter nedrykket til fjerde i 2016. (Foto: Privat)

Jotun-damene feira opprykket etter nervedrama 

Jotun-damene er klare for 3. divisjon etter ein beintøff batalje mot Bergen Håndballklubb. Opprykket vart feira med ein velfortent festmiddag før heimreisa.

Jotun/Årdalstangen-Bergen Hk: 27-25 (22-22 full tid)

Det måtte ekstraomgangar til for å avgjera opprykkskampen mellom Jotun/Årdalstangen og Bergen Håndballklubb i Voss idrettshall i kveld.

Der tok årdalsdamene grepet og sikra sigeren med to mål margin.

GLAD DUO: Jotun/Årdalstangen fekk suksess på første forsøk med spelande trenar Lene Høsøien og spelande visetrenar Heiða Arsenault bak roret. Foto: Snorre Sandemose/arkiv

– Det var ein tung, tøff og spanande kamp, der me trekte det lengste strået. Spelarane er lukkelege, gira og slitne, seier trenar Lena Høsøien etter nervedramaet.

Laget rykka to sesongar på rad i 2015 og 2016, medan fjoråret vart eit kvileskjêr. No vart det endeleg ein opptur att for dei grønkledde, som må bu seg på spel i tredjedivisjon til neste år.

– Sjølv om du rykker ned, betyr ikkje det at pila nødvendigvis har peikt feil veg for laget dei siste åra. Dei jentene som rykte ned var unge og urutinerte. Av og til tek det nokre år å rykka opp att, seier Høsøien, som sikra opprykket i debutsesongen som trenar.

Ho tykkjer framtida ser lovande ut, og har allereie ambisjonane klare for neste år.

– Det blir å halda plassen i tredjedivisjon, utvikla dei yngste enno meir, gje juling og ha det kjekt, seier ho.

Til toppen